تكفي طلبتك لا تخلينى

طلبتك لاتخلّيني أعيش بدنيتي ضايع ღღ ولا دري عن هوى دنياي وين اليوم محديني
بدونك حايرن أمري وكلّي يالغلا طايع ღღ على ماتشتهي به بس طلبتك لاتخلّيني
بنيت الحبّ لعيونك ومدّيته وانا لايع ღღ ومتلوع بحسنك يالعضي والله تشقيني
أبي وصلك ولكنك تجاهلتي خبر شايع ღღ يقولون الغرام مدى وانا واصل مدى فيني
سمعتي عن خبر حبي وصدّيتي وهو ذايع ღღ على اسماع البشر يدوي غرام افديه بسنيني
عرفتي ليه انا ويّاك دايم دوم لك رايع ღღ أبي روحي ترافقكي ولا بي يوم تنسيني
طلبتك يالغلا تكفين انا شاريك مو بايع ღღ شريتك بالمحبه والوفا والطيب يشريني
ابي اطلب طلب واحد وغيره يالغلا زايع ღღ طلبتك يا الغلا تكفين قلبك لايخليني